కోకాపేట నియోపోలిస్ భూముల వేలంలో రికార్డు ధ‌రలు: ఎకరానికి 137 కోట్లు

హైదరాబాద్ రియల్ ఎస్టేట్ మార్కెట్ మరోసారి దూకుడు చూపించింది. కోకాపేట నియోపోలిస్ లేఅవుట్‌లో సోమవారం జరిగిన భూముల వేలంలో రికార్డు స్థాయి ధరలు నమోదయ్యాయి. హెచ్ఎండీఏ నిర్వహించిన ఈ వేలం, గత ఏడాది రేట్లను బాగా అధిగమించి ప్రభుత్వానికి భారీ ఆదాయం సమకూర్చింది.

🔹 ఎకరానికి 137.25 కోట్లు — తెలంగాణ రియల్ ఎస్టేట్ చరిత్రలో కొత్త రికార్డు

కోకాపేట ఫ్లాట్ నెంబర్ 18 లో ఎకరానికి 137.25 కోట్లు, ఫ్లాట్ నెంబర్ 17 లో 136.50 కోట్లు పలికాయి.
ఇది ఇప్పటివరకు నమోదైన అత్యధిక ధరగా అధికారులు పేర్కొన్నారు.

2023లో ఇదే ప్రాంతంలో జరిగిన వేలంలో సగటు ధర ఎకరానికి 73 కోట్లు మాత్రమే.
అంటే ఈసారి ధరలు 87% పెరిగాయి — అంటే దాదాపు 60 కోట్ల పెరుగుదల..

ప్రభుత్వానికి భారీ ఆదాయం

వేలానికి పెట్టిన 42 ఎకరాల భూముల్లో:

ఫ్లాట్ నెంబర్ 17: 4.59 ఎకరాలు
ఫ్లాట్ నెంబర్ 18: 5.31 ఎకరాలు

ఈ రెండు పార్సిల్స్ ద్వారానే ప్రభుత్వానికి 1356 కోట్లు ఆదాయం లభించింది.

మెట్రోపాలిటన్ డెవలప్మెంట్ కమిషనర్ సర్ఫరాజ్ అహ్మద్ వివరాల ప్రకారం:

పోటీ తీవ్రంగా ఉండడంతో బిడ్డింగ్ మధ్యాహ్నం నాలుగు గంటలకుపైనా కొనసాగింది
MSN Urban Ventures LLP మొదటి పార్సిల్ దక్కించుకుంది
Vajra Housing Projects LLP రెండో పార్సిల్ సొంతం చేసుకుంది

ఇతర ప్రాంతాల్లో స్పందన లేకపోయినా – కోకాపేట మళ్లీ హాట్ స్పాట్

ఇటీవల తుర్కయంజల్, బాచుపల్లి, మేడ్చల్ ప్రాంతాల్లో భూముల వేలాలు పెద్దగా సక్సెస్ కాలేదు.
అయితే కోకాపేట, గండిపేట, ఫైనాన్షియల్ డిస్ట్రిక్ట్‌కు సమీపం కావడంతో ఈ ప్రాంతం ఇన్వెస్టర్లు, రియల్టర్లకు అగ్రస్థానంలో నిలిచింది.

🔹 ధరలు పెరిగితే ప్రభుత్వానికి లాభం… కానీ సామాన్యుడికి?

ఎకరానికి 137 కోట్లు అంటే:

రియల్ ఎస్టేట్ దళారుల, పెద్ద సంస్థలే కొనగల స్థాయి
మిడిల్ క్లాస్‌కు, సాధారణ కుటుంబాలకు ఈ ప్రాంతంలో ఇల్లు లేదా స్థలం కొనడం పూర్తిగా అందని ద్రాక్ష

ప్రజల్లో పెరుగుతున్న ప్రశ్నలు:

“ప్రభుత్వానికి వేలంలో పెద్ద మొత్తంలో ఆదాయం వస్తోంది, కానీ అది ప్రజా సేవలలో కనిపించడంలేదు ఎందుకు?”
“వేలంలో అమ్మిన డబ్బు ఎక్కడ వినియోగం అవుతోంది?”
“సామాన్యుడికి అందని రీతిలో భూముల ధరలు పెరిగిపోతే ప్రజల ప్రయోజనం ఏమిటి?”

ప్రభుత్వ భూముల వేలం ద్వారా ఎన్ని వందల కోట్లు వచ్చినా, సాధారణ ప్రజలకు వాటి ప్రయోజనం తక్కువగానే కనిపిస్తోంది.