జూబ్లీహిల్స్ ఉపఎన్నిక వేడెక్కుతోంది. బీఆర్ఎస్ నేతలు కాంగ్రెస్పై తీవ్రమైన ఆరోపణలు చేశారు. “ఇయాల జూబ్లీ హిల్స్ బై ఎలక్షన్ కాంగ్రెస్ పార్టీకి, ప్రభుత్వానికీ బైబై ఎలక్షన్ అవుతుంది” అంటూ పార్టీ నాయకులు తెలిపారు.
వారిచే వెల్లడించిన వివరాల ప్రకారం, కాంగ్రెస్ అభ్యర్థి 20–30 వేల దొంగ ఓట్లు నమోదు చేయించుకున్నారని, ఒకే ఇంట్లో 50 నుండి 70 ఓట్లు ఉన్నట్లు ఆధారాలతో సహా బయటపెట్టామని బీఆర్ఎస్ ప్రతినిధులు పేర్కొన్నారు. “246, 251, 253 బూత్లలోనే అనేక అనుమానాస్పద ఓట్లు ఉన్నాయ. ఇక్కడ ఓటర్లు నిజంగా లేరు, కానీ వారి పేర్లు లిస్టుల్లో ఉన్నాయి” అని అన్నారు.
ఇప్పటికే కాంగ్రెస్ అభ్యర్థిపై ఓటర్ ఐడీ కార్డుల పంపిణీ కేసు నమోదైందని గుర్తుచేస్తూ, “ఎలక్షన్ కమిషన్ సీరియస్గా దృష్టి పెట్టి, ఈ దొంగ ఓట్లు రద్దు చేయాలి” అని డిమాండ్ చేశారు.
అలాగే, గతంలో కేసీఆర్, కేటీఆర్ నాయకత్వంలో హైదరాబాద్ నగరం అభివృద్ధి సాధించిందని, ఇప్పుడు కాంగ్రెస్ పాలనలో రోడ్లు గుంతలతో, నాలాలు లీకేజీతో, కాలనీలు సమస్యలతో నిండిపోయాయని ప్రజలు స్పష్టంగా చెబుతున్నారని పేర్కొన్నారు.
బీఆర్ఎస్ నేతలు హెచ్చరించారు: “ఎలక్షన్ కమిషన్ ఇలాంటి ఓటు చోరిని నిర్లక్ష్యం చేస్తే ప్రజాస్వామ్యానికి ప్రమాదం. కాంగ్రెస్ అభ్యర్థి గెలుపు కోసం దొంగ ఓట్ల సహాయాన్ని తీసుకుంటే ప్రజల తీర్పు మరింత తీవ్రంగా వస్తుంది.”
జూబ్లీహిల్స్ ఉపఎన్నిక ఇప్పుడు రాష్ట్రవ్యాప్తంగా రాజకీయంగా హాట్టాపిక్ అవుతోంది.
