తెలంగాణలో టెన్త్ క్లాస్ పబ్లిక్ ఎగ్జామ్స్ ప్రారంభమయ్యాయి. రాష్ట్రవ్యాప్తంగా మొదటి రోజు పరీక్షలు ప్రశాంతంగా జరిగాయి. మొదటి పరీక్షగా తెలుగు ఫస్ట్ లాంగ్వేజ్ పేపర్ నిర్వహించారు. పరీక్ష అనంతరం విద్యార్థులతో మాట్లాడగా, చాలా మంది పేపర్ ఈజీగా వచ్చిందని చెప్పారు.
విద్యార్థుల ప్రకారం ప్రశ్నాపత్రం ఎక్కువగా ఎక్స్పెక్టెడ్ క్వశ్చన్స్ ఆధారంగా వచ్చింది. అందువల్ల చాలా మంది అన్ని ప్రశ్నలకు సమాధానాలు రాయగలిగామని తెలిపారు.
ఇక ఎగ్జామ్ సెంటర్లలో ఇన్విజిలేషన్ కూడా కాస్త స్ట్రిక్ట్గా ఉందని విద్యార్థులు చెబుతున్నారు. చాలా సెంటర్లలో సీసీ కెమెరాలు ఏర్పాటు చేయడంతో పాటు ఇన్విజిలేటర్లు కాపీ కొట్టే అవకాశం ఇవ్వలేదని చెప్పారు. కొంతమంది విద్యార్థులు కాపీకి ప్రయత్నించినా అవకాశం లేదని తెలిపారు.
కొన్ని ఎగ్జామ్ సెంటర్లలో ప్రశ్నాపత్రం సుమారు 10 నిమిషాల ఆలస్యంగా వచ్చిందని విద్యార్థులు పేర్కొన్నారు. అయితే ఎక్కువగా పేపర్ ఈజీగా ఉండడంతో టైం సరిపోయిందని చెప్పారు.
అలాగే స్కూల్ టీచర్లు ఇచ్చిన ప్రిపరేషన్ వల్ల పరీక్ష రాయడం సులభంగా అనిపించిందని పలువురు విద్యార్థులు చెప్పారు. ముందున్న పరీక్షలకు కూడా ఇదే విధంగా ప్రిపేర్ అవుతున్నామని తెలిపారు.
మొత్తానికి మొదటి రోజు పరీక్షలు ప్రశాంతంగా ముగిశాయి. పేపర్ ఈజీగా రావడంతో విద్యార్థులు సంతోషం వ్యక్తం చేస్తున్నారు.
