తెలంగాణ రాజకీయాల్లో బీఆర్ఎస్ నేత కల్వకుంట్ల కవిత, మాజీ మంత్రులు హరీష్ రావు–కమలాకర్, అలాగే కాంగ్రెసు ప్రభుత్వం మధ్య మాటల యుద్ధం మరింత ఉధృతమైంది.
జూబ్లిహిల్స్ ఉపఎన్నిక ఫలితాల తరువాత కవిత చేసిన “కర్మ హిట్స్ బ్యాక్” వ్యాఖ్య భారీ చర్చకు దారి తీసింది.
🔹 కవిత వ్యాఖ్యలపై బీఆర్ఎస్–కాంగ్రెస్ మద్య దుమారం
నిన్న హైదరాబాదులో తెలంగాణ జాగృతి టీచర్స్ ఫెడరేషన్ నిర్వహించిన రౌండ్ టేబుల్ సమావేశంలో మాట్లాడిన కవిత, ప్రభుత్వ పాఠశాలల పరిస్థితిని ప్రశ్నిస్తూ వ్యాఖ్యానించారు.
కవిత అన్నారు:
గత 12 ఏళ్లలో సీఎంలు ప్రభుత్వ బడుల కోసం ఏం చేయలేదు.
ప్రభుత్వ పాఠశాలల్లో చదివామని చెప్పుకుంటారు… నిజమైన భావోద్వేగం ఉంటే విద్యారంగం ఎన్నాళ్లకో సరిదిద్దబడేది.”
తనపై బీఆర్ఎస్ నాయకులు చేసే ఆరోపణలకు కవిత గట్టి హెచ్చరిక ఇచ్చారు:
“బిఆర్ఎస్ నేతల కామెంట్లకు జాగృతి కార్యకర్తల నుంచి తప్పకుండా కౌంటర్ ఉంటుంది.”
తాను చేసిన ఆరోపణలపై
- హరీష్ రావు
- గంగుల కమలాకర్
వివరణ ఇవ్వాల్సిన బాధ్యత ఉందని ఆమె స్పష్టం చేశారు.
🔹 “కర్మ హిట్స్ బ్యాక్”: ఎవరిని ఉద్దేశించిందని ప్రశ్నించగా…
కర్మపై చేసిన సోషల్ మీడియా పోస్ట్ గురించి ప్రశ్నించగా కవిత చిన్నగానే సమాధానం ఇచ్చారు:
“జై తెలంగాణ.”
ఈ వ్యాఖ్య మరింత రాజకీయ ఊసులను రేకెత్తించింది.
కాంగ్రెస్ నేతల విమర్శలు
ఇక కాంగ్రెస్ నేతలు కవితపై విమర్శలతో మండిపడ్డారు.
చింతా ప్రభాకర్ వ్యాఖ్యలు
కవితపై సంగారెడ్డి ఎమ్మెల్యే చింతా ప్రభాకర్ తీవ్ర విమర్శలు చేస్తూ అన్నారు:
“కవిత రాక్షసి కారణ జన్ముడు కడుపున పుట్టడం దురదృష్టం అంటారు.
వ్యాపారాలన్నీ కాపాడుకోవడానికి రేవంత్తో కుమ్మక్కై, హరీష్ రావుకు క్షమాపణ చెప్పమంటోంది.”
నిజామాబాద్ ఎమ్మెల్యే మాణిక్యరావు
కవిత కాంగ్రెస్ వైపు మొగ్గుచూపుతున్నారని ఎద్దేవా చేస్తూ వ్యాఖ్యానించారు:
చెల్లని నోట్ ఇక్కడ ఎలా చెల్తుంది?
కాంగ్రెస్ ట్యాప్లో పడ్డారు.”
🔹 కవిత వ్యాఖ్యలకు ప్రతిస్పందన: “ఇది కూడా రాజకీయమేనా?”
కవిత మాట్లాడిన అంశాల్లో చాలా వరకు వాస్తవాలున్నప్పటికీ, విమర్శకుల అభిప్రాయం ప్రకారం ఆమె వ్యాఖ్యల్లో రాజకీయ ప్రయోజనాలే ఎక్కువగా కనిపిస్తున్నాయని విమర్శలు వస్తున్నాయి.
విమర్శకుల ఆక్షేపణలు ఇలా ఉన్నాయి:
- గత 10 సంవత్సరాలు బీఆర్ఎస్ అధికారంలో ఉన్నప్పుడు ఎందుకు మాట్లాడలేదు?
- ఎమ్మెల్సీగా ఉన్నప్పుడు విద్యావ్యవస్థ సమస్యలపై ఎందుకు బహిరంగంగా గళమెత్తలేదు?
- ఇప్పుడు మాత్రమే మందుకు బయటికి రావడం రాజకీయ నిర్ణయం కాదా?
“అప్పుడే తప్పు తెలుసుకున్నప్పుడు బయటికి వచ్చి ప్రజాపక్షాన మాట్లాడి ఉంటే, కవితకు ఇంకా ఎక్కువ ఆదరణ ఉండేది” అని రాజకీయ విశ్లేషకులు అభిప్రాయపడ్డారు.
