సినీ ఇండస్ట్రీలో స్టార్ హీరోలు నటనతో పాటు గ్లామర్, ఫిట్నెస్తో అభిమానులను ఆకట్టుకుంటుంటారు. ముఖ్యంగా వయసు పెరిగినా యవ్వనంగా కనిపించే వారి సీక్రెట్లు తెలుసుకోవాలనే కుతూహలం ఎప్పుడూ ప్రేక్షకుల్లో కనిపిస్తుంది. అలాంటి ఫిట్నెస్ ఐకాన్లలో అగ్రస్థానంలో ఉన్న హీరోల్లో ఒకరు అక్కినేని నాగార్జున.
అప్పటి నుంచే “ఎవర్గ్రీన్ చాక్లెట్ బాయ్”గా పేరొందిన నాగార్జున, ఏడు పదుల దాటినా ఇప్పటికీ యంగ్ హీరోలా కనిపించడం అందరినీ ఆశ్చర్యపరుస్తోంది. ఆయన ఇలా ఫిట్గా ఉండడానికి కారణమేంటి? ఆయన తినే డైట్ ఎలా ఉంటుంది? అనే ప్రశ్నలు అభిమానుల్లో ఎప్పుడూ వినిపిస్తాయి.
ఇటీవల నాగార్జునకు స్వయంగా వండి పెట్టే వ్యక్తి ఒక ఇంటర్వ్యూలో పాల్గొని ఆయన ఆహారపు అలవాట్లు గురించి ఆసక్తికర విషయాలు వెల్లడించారు. “నాగార్జున గారికి ప్రతిరోజూ బెండకాయ కచ్చితంగా ఉండాలి. హాట్ చిప్స్ తప్పనిసరిగా ఉంటుంది. అన్నం విషయంలో ఆయన దంపుడు బియ్యమే తింటారు. పాలిష్ చేసిన బియ్యాన్ని అస్సలు తాకరు” అని చెప్పారు.
అలాగే ఆయన చెప్పిన వివరాల్లో ఇవీ ఉన్నాయి:
- ప్రతిరోజూ రసం, అరటి పండు మరియు మరో నాలుగు రకాల వంటలు తప్పనిసరిగా ఉంటాయి.
- అన్నం అయితే దంపుడు బియ్యంతో ముద్దలా చేసి తినడం నాగార్జునకు ఇష్టం.
- అన్నింటినీ తిన్నప్పటికీ, చాలా కొద్దిగా మాత్రమే తీసుకుంటారు.
- శనివారం రాత్రి మాత్రం పామ్ లెట్ ఫిష్ అంటే ప్రత్యేక ఇష్టం.
- కేరళ వంటి ప్రాంతాలకు వెళ్తే ప్రత్యేకంగా ఆ చేపను వండించుకుంటారు.
- ఆదివారం అయితే సగం కప్పు చికెన్ లేదా మటన్ మాత్రమే తింటారు.
ఈ డైట్ వివరాలు బయటకు రాగానే అభిమానులు ఆశ్చర్యపోతున్నారు. “ఇంత కట్టుదిట్టమైన డైట్ అందుకే నాగ్ ఇప్పటికీ యంగ్గా కనిపిస్తున్నారు”, “అందుకే నాగార్జునకు వయసే పడట్లేదు” అంటూ అభిమానులు కామెంట్లు చేస్తున్నారు.
నాగార్జున తన క్రమశిక్షణ, కంట్రోల్ మరియు ఆరోగ్యకరమైన ఆహారపు అలవాట్లతో ఇప్పటికీ టాలీవుడ్లో యవ్వనానికి ప్రతీకగా నిలుస్తున్నాడు అన్నది మరోమారు రుజువు అయింది.
