తెలంగాణ రాజకీయాల్లో మరో కొత్త వివాదం మంటలు రేపుతోంది. మాజీ మంత్రి కొండా సురేఖ కుమారుడు సుమంత్పై ఎక్స్టార్షన్ కేసు నమోదవ్వడం, రాజకీయ వర్గాల్లో చర్చనీయాంశమైంది. కొండా సురేఖ మాట్లాడుతూ — “నా మీద కోపం ఉంటే మంత్రి పదవి నుంచి తీసేయొచ్చు, కానీ నా కుమారుడు సుమంత్ను ఎందుకు ఇబ్బంది పెడుతున్నారు?” అని ప్రశ్నించారు.
సురేఖ ఆరోపణల ప్రకారం, డెక్కన్ సిమెంట్స్ వ్యవహారంలో సుమంత్ను కావాలనే ఎక్స్టార్షన్ కేసులో ఇరికించేందుకు ప్రయత్నం జరుగుతోందని పేర్కొన్నారు. ఆమె మాటల్లో — “ఇది సీఎంఓ నుంచి వచ్చిన ప్రెషర్ లా అనిపిస్తోంది. సుమంత్ డెక్కన్ సిమెంట్స్ సంబంధిత మీటింగ్లో రోహిణి రెడ్డి ఆఫీస్లో పాల్గొన్నాడు. అక్కడ చర్చలు మాత్రమే జరిగాయి కానీ, దాన్ని బెదిరింపుగా చూపిస్తున్నారు” అని చెప్పారు.
సురేఖ మరింతగా స్పందిస్తూ — “రోహిణి రెడ్డి ఉన్నపుడు, ఆ సందర్భంలో సీఎం రేవంత్ రెడ్డి కూడా ఉన్నారని చెబుతున్నారు. అప్పుడు ఒకరిని మాత్రమే ఎందుకు టార్గెట్ చేస్తున్నారు?” అని ప్రశ్నించారు.
ఈ ఘటనపై అధికార బృందాలు ఇంకా అధికారిక ప్రకటన ఇవ్వలేదు కానీ, రాజకీయ విశ్లేషకులు దీన్ని “ఇంటర్నల్ పాలిటికల్ రివేంజ్” గా అభివర్ణిస్తున్నారు. ఇక ఈ కేసు తెలంగాణ రాజకీయాల్లో కొత్త వాదప్రతివాదాలకు దారితీయడం ఖాయం.
