పాన్ ఇండియా స్టార్ ప్రభాస్ లీడ్ రోల్లో, టాలెంటెడ్ డైరెక్టర్ సందీప్ రెడ్డి వంగా తెరకెక్కిస్తున్న ‘స్పిరిట్’ సినిమాపై ఇప్పటికే భారీ అంచనాలు నెలకొన్నాయి. తాజాగా మేకర్స్ విడుదల చేసిన పోస్టర్ ఆ అంచనాలను మరో స్థాయికి తీసుకెళ్లింది. పోస్టర్ చూసిన వెంటనే ‘బ్లాక్బస్టర్ పక్కా’ అనే నమ్మకం అభిమానుల్లో బలపడింది. విడుదలైనప్పటి నుంచే ఈ పోస్టర్ సోషల్ మీడియాలో హాట్ టాపిక్గా మారింది.
పోస్టర్లోని విజువల్ కాన్సెప్ట్పై నెటిజన్లు రెండు వర్గాలుగా విడిపోయి చర్చిస్తున్నారు. ఒక వర్గం మాత్రం పోస్టర్లో అర్ధనారీశ్వర తత్వం స్పష్టంగా కనిపిస్తోందని అభిప్రాయపడుతోంది. శివుడు–పార్వతి దేవి ఏకమై ఉన్న రూపమే అర్ధనారీశ్వరుడు కావడంతో, హీరో–హీరోయిన్ ఎనర్జీలు, ఎమోషన్లు మిక్స్ అయిన భావనను పోస్టర్ ప్రతిబింబిస్తోందని చెబుతున్నారు. అందుకే సినిమాకు ‘స్పిరిట్’ అనే టైటిల్ సరిగ్గా సరిపోతుందని అంటున్నారు.
ఇంకొక వర్గం మాత్రం ఈ పోస్టర్ను చూసిన వెంటనే హాలీవుడ్ మూవీ ‘బేసిక్ ఇన్స్టింక్ట్’ (1992) గుర్తుకు వస్తోందని కామెంట్లు చేస్తోంది. మైఖేల్ డగ్లస్, షారన్ స్టోన్ నటించిన ఆ సినిమా పోస్టర్లోని లేఅవుట్, బాడీ లాంగ్వేజ్, సెన్సువల్ అండర్టోన్తో ‘స్పిరిట్’ పోస్టర్కు పోలికలు ఉన్నాయని చెబుతున్నారు. రా ఎమోషన్స్, బోల్డ్ టేక్ కారణంగా సందీప్ రెడ్డి వంగా హాలీవుడ్ సినిమాను ఇన్స్పిరేషన్గా తీసుకున్నారేమో అనే అనుమానాలు వ్యక్తమవుతున్నాయి.
అయితే మరికొందరు మాత్రం పోస్టర్ను కథ మొత్తానికి కొలమానం చేయడం సరైంది కాదని అంటున్నారు. అది కేవలం కథలోని ఒక ముఖ్యమైన ఫీలింగ్ను సూచించే విజువల్ రిఫరెన్స్ మాత్రమే కావచ్చని, సినిమా కథ, క్యారెక్టరైజేషన్ బయటకు వస్తేనే అసలు ఉద్దేశం అర్థమవుతుందని అభిప్రాయపడుతున్నారు. ప్రస్తుతం సినిమా ఇంకా చిత్రీకరణ దశలోనే ఉండటం గమనార్హం.
సందీప్ రెడ్డి వంగా స్క్రిప్ట్, ప్రెజెంటేషన్ ఎలా ఉంటాయో ‘అర్జున్ రెడ్డి’, ‘యానిమల్’ సినిమాలతో ఇప్పటికే రుజువైంది. వరుసగా బ్లాక్బస్టర్లు అందుకున్న ఆయన ఇప్పుడు మరింత పెద్ద స్థాయిలో ‘స్పిరిట్’ను ప్లాన్ చేస్తున్నారు. ముఖ్యంగా ప్రభాస్ను తొలిసారి పోలీస్ క్యారెక్టర్లో చూపించబోతుండటం సినిమాపై ఆసక్తిని మరింత పెంచుతోంది.
మరి ‘స్పిరిట్’ పోస్టర్ మైథాలజీ టచ్కు సంకేతమా? లేక హాలీవుడ్ ఇన్స్పిరేషన్తో రూపొందుతున్న మోడ్రన్ మూవీకి సూచనమా? అన్నది ఇప్పుడే తేల్చడం కష్టం. కానీ ఒక విషయం మాత్రం ఖాయం… ఈ ఒక్క పోస్టర్తోనే సినిమాపై భారీ బజ్ క్రియేట్ చేసి, అందరి చూపును ‘స్పిరిట్’ వైపు తిప్పడంలో మేకర్స్ సక్సెస్ అయ్యారు.
