మన దేశంలో మద్యం విక్రయాలు ప్రభుత్వాలకు పెద్ద ఆదాయ వనరుగా నిలుస్తున్నాయి. మద్యాన్ని తాగడం, దాన్ని ప్రదర్శించడంలో కూడా కొందరు వింత రకాల స్టైల్లు ప్రదర్శిస్తుంటారు. కానీ తాజాగా సోషల్ మీడియాలో వైరల్ అవుతున్న ఓ వీడియో మాత్రం అందరినీ అవాక్కయ్యేలా చేసింది.
ఆ వీడియోలో ఓ వ్యక్తి బీర్ను ముక్కుతో తాగడం చూసి నెటిజన్లు షాక్ అవుతున్నారు! సాధారణంగా మద్యం నోటితో తాగే విషయం మనం చూస్తూనే ఉంటాం. కానీ ఈ వ్యక్తి మాత్రం ముక్కుతో మొత్తం గ్లాస్లోని బీర్ను ఒక్కసారిగా తాగేశాడు.
వీడియోలో గమనించినట్లయితే, ఆ వ్యక్తి బీర్ గ్లాస్ను చేతుల్లో పట్టుకొని మొదట కొన్ని సార్లు ముందు వెనక్కు ఊగి, దేవుడు ఒంట్లోకి వచ్చినట్టుగా ప్రవర్తించాడు. తర్వాత గ్లాస్ను ముక్కు వద్దకు తీసుకెళ్లి కింద పెట్టకుండా మొత్తం బీర్ను ముక్కు ద్వారా తాగేశాడు.
ఈ వీడియో సోషల్ మీడియాలో వైరల్ అవుతుండగా, నెటిజన్ల కామెంట్లు కూడా తెగ పేలుతున్నాయి.
కొంతమంది – “అలా ఎలా తాగేశావురా బాబు!” అని ఆశ్చర్యపోతుండగా, ఇంకొందరు – “ఇలా తాగాక ఇంకా బతికే ఉన్నాడా?” అంటూ ఫన్నీగా స్పందిస్తున్నారు.
ఇంకొందరు మాత్రం – “ఎంత మంది మందుబాబులు చూశాం కానీ నువ్వు చాలా స్పెషల్ గురూ!” అంటూ నవ్వులు పంచుతున్నారు.
ఈ వీడియో ఇప్పుడు ఇన్స్టాగ్రామ్, యూట్యూబ్, మరియు ఎక్స్ (ట్విట్టర్)లో వేగంగా వైరల్ అవుతుంది.
మద్యం తాగడంలో కూడా కొత్త స్టైల్ చూపించిన ఈ వ్యక్తి సోషల్ మీడియాలో స్టార్గా మారిపోయాడు.
