ఆర్మూర్ నియోజకవర్గంలో నిధులు, హామీలు, భద్రత, రాజకీయ ఆరోపణల అంశాలపై రాజకీయ వేడి మరింత పెరిగింది. అసెంబ్లీలో ముఖ్యమంత్రిని ఆర్మూర్ ప్రజలకు నిధులు ఇవ్వాలని ప్రశ్నించానని, కానీ ఇప్పటివరకు తగిన స్థాయిలో నిధులు రాలేదని ఆర్మూర్ ఎమ్మెల్యే పేర్కొన్నారు. ఎన్నికల ముందు ఇచ్చిన హామీల అమలుపై ప్రజలు ప్రశ్నిస్తున్నారని, ఆ హామీలను నెరవేర్చే బాధ్యత ప్రభుత్వానిదేనని స్పష్టం చేశారు.
ఆర్మూర్లో తన ప్రధాన విజయంగా భయరహిత వాతావరణం నెలకొల్పడాన్ని ఎమ్మెల్యే ప్రస్తావించారు. గతంలో అక్రమ కేసులు, గుండాగిరి, దౌర్జన్యాలు, భయభ్రాంతులు ఉన్నాయని, ఇప్పుడు ఆర్మూర్ పూర్తిగా ప్రశాంతంగా మారిందని అన్నారు. ప్రజలు బానిసత్వం నుంచి బయటపడ్డారని, భయం లేకుండా జీవిస్తున్నారని వ్యాఖ్యానించారు. అదే ప్రజలకు తాను ఇచ్చిన అతి పెద్ద హామీ అని తెలిపారు.
రాష్ట్ర రాజకీయాలపై కూడా ఎమ్మెల్యే తీవ్ర వ్యాఖ్యలు చేశారు. ముఖ్యమంత్రి రేవంత్ రెడ్డి ఆరు గ్యారెంటీల పేరుతో ప్రజలను మోసం చేశారని ఆరోపించారు. పెన్షన్లు పెంపు, మహిళలకు ఆర్థిక సహాయం, బంగారం, స్కూటీలు, నిరుద్యోగ భృతి వంటి హామీలు ఇప్పటికీ కాగితాలకే పరిమితమయ్యాయని అన్నారు. హామీలు అమలు కాకపోవడంపై ప్రజల్లో తీవ్ర అసంతృప్తి ఉందన్నారు.
రాష్ట్ర రాజకీయాలపై కూడా ఎమ్మెల్యే తీవ్ర వ్యాఖ్యలు చేశారు. ముఖ్యమంత్రి రేవంత్ రెడ్డి ఆరు గ్యారెంటీల పేరుతో ప్రజలను మోసం చేశారని ఆరోపించారు. పెన్షన్లు పెంపు, మహిళలకు ఆర్థిక సహాయం, బంగారం, స్కూటీలు, నిరుద్యోగ భృతి వంటి హామీలు ఇప్పటికీ కాగితాలకే పరిమితమయ్యాయని అన్నారు. హామీలు అమలు కాకపోవడంపై ప్రజల్లో తీవ్ర అసంతృప్తి ఉందన్నారు.
ఫారెన్సిక్ ల్యాబ్ అగ్నిప్రమాదం, ఓటుకు నోటు కేసు, ఇతర అవినీతి ఆరోపణలపై ప్రభుత్వం స్పష్టత ఇవ్వాలని డిమాండ్ చేశారు. రాష్ట్రంలో అధికారంలో ఉన్నవారి నియంత్రణలోనే అన్ని వ్యవస్థలు ఉన్నప్పుడు చర్యలు ఎందుకు తీసుకోవడం లేదని ప్రశ్నించారు. 55 కోట్ల రూపాయల లావాదేవీలపై కూడా విచారణ జరగాలని, బాధ్యులపై చర్యలు తీసుకోవాలని డిమాండ్ చేశారు.
బీజేపీ–బీఆర్ఎస్ మధ్య అవగాహన ఉందన్న ఆరోపణలను ఎమ్మెల్యే ఖండించారు. రాజకీయాల్లో పార్టీ మార్పులు, అవినీతి ఆరోపణలపై ప్రజలే తీర్పు చెప్పాలని అన్నారు. భారతీయ జనతా పార్టీ దేశం, ధర్మం, అభివృద్ధి కోసం పనిచేసే పార్టీ అని, కులం, మతం అనే తేడా లేకుండా అందరికీ సమాన న్యాయం అనే సిద్ధాంతంతో ముందుకు వెళ్తుందని పేర్కొన్నారు.
మున్సిపల్ ఎన్నికల ప్రచారంలో ప్రజలకు భద్రత, అభివృద్ధి, నిజాయితీనే తమ ప్రధాన అజెండా అని ఎమ్మెల్యే స్పష్టం చేశారు. భయరహిత ఆర్మూర్ను కాపాడుకోవాలంటే ప్రజలు సరైన నిర్ణయం తీసుకోవాలని ఆయన కోరారు.
