హైదరాబాద్, జూబ్లీహిల్స్:
తెలంగాణ రాష్ట్ర వ్యాప్తంగా అత్యంత హాట్సీట్గా మారిన జూబ్లీహిల్స్ నియోజకవర్గంలో ఎన్నికల వేడి చెలరేగింది. బీఆర్ఎస్, కాంగ్రెస్, బీజేపీ — మూడు ప్రధాన పార్టీల మధ్య పోటీ జోరుగా సాగుతోంది. ఈ నేపథ్యంలో, ఓకే టీవీ జర్నలిస్ట్ శ్రావ్య గారు, జూబ్లీహిల్స్ పరిధిలోని ఎల్లారెడ్డిగూడాలో ప్రచారం నిర్వహిస్తున్న మాజీ ఎమ్మెల్యే మైనంపల్లి హనుమంతరావు గారిని కలుసుకుని ఇంటర్వ్యూ చేశారు.
హనుమంతరావు గారు మాట్లాడుతూ,
“బీఆర్ఎస్ ప్రభుత్వం పది సంవత్సరాలు అధికారంలో ఉంది. కానీ డబుల్ బెడ్రూమ్ ఇళ్లు, అభివృద్ధి అనే పేరుతో ప్రజలను మోసం చేసింది. నిజమైన అభివృద్ధి గజ్వెల్, సిరిసిల్లాలో మాత్రమే కనిపించింది — అక్కడ వాళ్ల వ్యక్తిగత ప్రాపర్టీస్ ఉన్నాయ్ కాబట్టి!” అన్నారు.
హనుమంతరావు గారు మాట్లాడుతూ,
“బీఆర్ఎస్ ప్రభుత్వం పది సంవత్సరాలు అధికారంలో ఉంది. కానీ డబుల్ బెడ్రూమ్ ఇళ్లు, అభివృద్ధి అనే పేరుతో ప్రజలను మోసం చేసింది. నిజమైన అభివృద్ధి గజ్వెల్, సిరిసిల్లాలో మాత్రమే కనిపించింది — అక్కడ వాళ్ల వ్యక్తిగత ప్రాపర్టీస్ ఉన్నాయ్ కాబట్టి!” అన్నారు.
అలాగే ఆయన బీఆర్ఎస్ అవినీతి మీద తీవ్రంగా విమర్శించారు.
“కాళేశ్వరం నుంచి కార్ రేస్ వరకు లక్షల కోట్ల రూపాయలు దోచుకున్నారు. ప్రజల సొమ్ముతో విలాస జీవితం గడిపారు,” అని ఆగ్రహం వ్యక్తం చేశారు.
కాంగ్రెస్ పార్టీకి మద్దతు ఎందుకు?
హనుమంతరావు గారు స్పష్టంగా చెప్పారు —
“కాంగ్రెస్ పార్టీకి డబ్బులు లేవు, కానీ సర్వీస్ మైండ్ ఉంది. రాహుల్ గాంధీ గారు ఈరోజు కూడా ఎకానమీ ఫ్లైట్లో ప్రయాణిస్తున్నారు. ప్రియాంక గాంధీ గారు సాధారణ అపార్ట్మెంట్లో ఉంటున్నారు. వాళ్ల కుటుంబం త్యాగాలకు ప్రతీక,” అన్నారు.
అతను జూబ్లీహిల్స్ కాంగ్రెస్ అభ్యర్థి నవీన్ యాదవ్ గారిపై విశ్వాసం వ్యక్తం చేస్తూ,
“నవీన్ యాదవ్ గారు యువకుడు, డైనమిక్ లీడర్. కోవిడ్ సమయంలో ప్రజల కోసం ప్రాణాల్ని పణంగా పెట్టి సేవ చేశారు. అలాంటి నాయకుడిని గెలిపించాలి,” అని ప్రజలకు విజ్ఞప్తి చేశారు.
అభివృద్ధి, పథకాల అమలు గురించి స్పందన
“మేము అధికారంలోకి వచ్చి రెండేళ్లు కూడా కాలేదు. కానీ ఇప్పటికే రేషన్ కార్డులు, సన్న బియ్యం, ఉచిత బస్ ప్రయాణం వంటి పథకాలు అందిస్తున్నాం. మూడేళ్లలో అన్ని గ్యారెంటీలు పూర్తి చేస్తాం,” అని హామీ ఇచ్చారు.
అభివృద్ధి, పథకాల అమలు గురించి స్పందన
“మేము అధికారంలోకి వచ్చి రెండేళ్లు కూడా కాలేదు. కానీ ఇప్పటికే రేషన్ కార్డులు, సన్న బియ్యం, ఉచిత బస్ ప్రయాణం వంటి పథకాలు అందిస్తున్నాం. మూడేళ్లలో అన్ని గ్యారెంటీలు పూర్తి చేస్తాం,” అని హామీ ఇచ్చారు.
బిఆర్ఎస్ మరియు ప్రతిపక్షాల విమర్శలపై స్పందిస్తూ
“బిఆర్ఎస్ వాళ్ళే రౌడీయిజం సృష్టించారు. ప్రజలు సైలెంట్గా చూస్తున్నారు కానీ ఓటు రూపంలో సమాధానం చెబుతారు. కాంగ్రెస్ మళ్లీ ప్రజల విశ్వాసాన్ని పొందుతుంది,” అన్నారు.
మత, కుటుంబ వివాదాలపై స్పందన
“ప్రతీ మతం, ప్రతీ కులం మనదే. కాంగ్రెస్ మతాల మీద రాజకీయం చేయదు, అందరినీ సమానంగా చూసుకుంటుంది. రేవంత్ రెడ్డి గారి వ్యాఖ్యలను తప్పుగా అర్థం చేసుకున్నారు. ఆయన చెప్పిందేమిటంటే — ప్రతి మతం సంతోషంగా జీవించే సమాజం కావాలనే,” అన్నారు.
గెలుపు పై విశ్వాసం
“ఈ ఎన్నికల్లో నవీన్ యాదవ్ గారు కనీసం 50,000 ఓట్ల మెజారిటీతో గెలుస్తారు. వచ్చే సాధారణ ఎన్నికల్లో అది లక్షకు పెరుగుతుంది,” అని ధైర్యంగా ప్రకటించారు.
