తెలంగాణలో బీసీలకు 42% రిజర్వేషన్పై హైకోర్టు తీర్పు వెలువడబోతోంది. ముదిరాజుల నాయకులు ప్రభుత్వం తీసుకున్న నిర్ణయాలను, రాజకీయ పార్టీల వైఖరిని తీవ్రంగా విమర్శించారు. బీసీలకు న్యాయం చేయాలంటూ గళం వినిపించారు.
తెలంగాణ రాష్ట్ర రాజకీయాల్లో మరోసారి బీసీల రిజర్వేషన్ అంశం హాట్ టాపిక్గా మారింది. 42% రిజర్వేషన్ అమలు విషయంలో హైకోర్టు తీర్పు వెలువడబోతోంది. ఈ నేపథ్యంలో ముదిరాజుల నాయకులు తీవ్ర ఆవేదన వ్యక్తం చేశారు. ప్రభుత్వం బీసీలను వంచిస్తోందని, ముదిరాజులకు విద్యా, ఉద్యోగ అవకాశాలు అందట్లేదని అన్నారు. పాత జీవోలను అమలు చేయకపోవడంపై అసంతృప్తి వ్యక్తం చేస్తూ, రాజకీయ నాయకుల నిర్లక్ష్యాన్ని తప్పుపట్టారు. ముదిరాజుల సమాజం ఐక్యంగా నిలబడి తమ హక్కుల కోసం పోరాడాల్సిన అవసరం ఉందని పిలుపునిచ్చారు.
