హైదరాబాద్‌లో వినాయక చవితి ఉత్సవాలు కొనసాగుతున్న వేళ గణేష్ నిమజ్జనాలపై కొత్త నిబంధనలు చర్చనీయాంశంగా మారాయి. ముఖ్యంగా అప్పర్ ట్యాంక్‌బండ్‌పై గణేష్ విగ్రహాల నిమజ్జనం చేయవద్దంటూ పోలీసులు, జీహెచ్‌ఎంసీ ఏర్పాటు చేసిన ఫ్లెక్సీలు భక్తుల దృష్టిని ఆకర్షిస్తున్నాయి.
ఒకవైపు అధికారులు కోర్టు ఆదేశాలు, పర్యావరణ పరిరక్షణ, ట్రాఫిక్ నియంత్రణను కారణాలుగా చెబుతుండగా.. మరోవైపు ఏళ్లుగా ట్యాంక్‌బండ్ వద్దే నిమజ్జనం చేస్తున్న భక్తులు ఈ నిబంధనలపై ప్రశ్నలు లేవనెత్తుతున్నారు.
ఇప్పటికే హుస్సేన్‌సాగర్ వద్ద చిన్న విగ్రహాల నిమజ్జనాలు ప్రారంభమయ్యాయి. సెప్టెంబర్ 16న ఇళ్ల నుంచి తీసుకొచ్చిన చిన్న గణేష్ విగ్రహాలతో కుటుంబాలు హుస్సేన్‌సాగర్ పరిసరాలకు వచ్చినట్లు నివేదికలు పేర్కొన్నాయి. ప్రధాన సామూహిక నిమజ్జనం సెప్టెంబర్ 25న జరగనుంది.
అప్పర్ ట్యాంక్‌బండ్‌పై ఎందుకు నిషేధం?
హుస్సేన్‌సాగర్, ట్యాంక్‌బండ్ పరిసరాల్లో పోలీసులు, జీహెచ్‌ఎంసీ అవగాహన ఫ్లెక్సీలు ఏర్పాటు చేశారు. ట్యాంక్‌బండ్‌పై గణేష్ విగ్రహాల నిమజ్జనం చేయవద్దని, ముఖ్యంగా ప్లాస్టర్ ఆఫ్ పారిస్ (PoP) విగ్రహాల నిమజ్జనానికి అనుమతి లేదని అధికారులు స్పష్టం చేస్తున్నారు.
ఈ నిబంధనలకు తెలంగాణ హైకోర్టు ఆదేశాలను అధికారులు ప్రస్తావిస్తున్నారు. 2023లో హైకోర్టు హైదరాబాద్‌లోని హుస్సేన్‌సాగర్ సహా ఇతర నీటి వనరుల్లో PoP విగ్రహాల నిమజ్జనంపై ఆంక్షలను పునరుద్ఘాటించింది. అప్పర్ ట్
