టీవీ రంగంలో సంచలనం రేపుతున్న ఘటనలో, జబర్దస్త్ ఫేమ్ ఆర్టిస్ట్ Komarakka (కొమరక్క)పై కొత్త ఆరోపణలు వెలుగులోకి వచ్చాయి. ఇప్పటికే తనపై దాడి జరిగిందంటూ కొమరక్క ఫిర్యాదు చేసిన నేపథ్యంలో, ఇప్పుడు ఆమె అసిస్టెంట్గా పనిచేస్తున్న శ్రీనాథ్ కూడా ఆమెపై తీవ్ర ఆరోపణలు చేస్తూ పోలీసులకు ఫిర్యాదు చేయడం ఈ కేసులో ట్విస్ట్గా మారింది.
శ్రీనాథ్ తెలిపిన వివరాల ప్రకారం, గత నాలుగేళ్లుగా కొమరక్క వద్ద పని చేస్తున్నానని, గత రెండేళ్లుగా తనపై అసభ్యకరంగా ప్రవర్తిస్తూ వేధింపులకు గురి చేస్తున్నారని ఆరోపించాడు. లైంగికంగా వేధిస్తూ అనుచిత మెసేజ్లు పంపించేదని, వాటికి సంబంధించిన వాట్సాప్ సందేశాలను కూడా బయటపెట్టినట్లు తెలిపాడు.
అంతేకాకుండా, ఇటీవల షాద్నగర్ ప్రాంతంలో జరిగిన ఘటనలో తనను పిలిపించి, మరో ముగ్గురితో కలిసి తీవ్రంగా కొట్టారని ఆరోపించాడు. రైకల్ టోల్ గేట్ వద్దకు పిలిచి, తరువాత ఒంటరి ప్రదేశానికి తీసుకెళ్లి దాడి చేసినట్లు పేర్కొన్నాడు. ఈ ఘటనలో తాను గాయపడినట్లు కూడా తెలిపాడు
ఈ దాడిపై ప్రశ్నించగా, తనపై తప్పుడు బంగారం దొంగతనం కేసు పెట్టారని కూడా శ్రీనాథ్ ఆరోపించాడు. ఈ మేరకు షాద్నగర్ పోలీస్ స్టేషన్లో ఫిర్యాదు నమోదు కావడంతో పోలీసులు కేసు దర్యాప్తు ప్రారంభించారు.
మరోవైపు, కొమరక్క ఇప్పటికే తనపై దాడి చేసిన కొంతమంది వ్యక్తులపై కేసు నమోదు చేసిన విషయం తెలిసిందే. ఇప్పుడు ఇరు వైపుల నుంచి వచ్చిన ఫిర్యాదులతో ఈ కేసు మరింత క్లిష్టంగా మారింది.
పోలీసులు ఈ ఘటనపై పూర్తి వివరాలు సేకరిస్తూ, ఇరువైపుల వాదనలు పరిశీలిస్తున్నారు. సోషల్ మీడియాలో వైరల్ అవుతున్న ఆరోపణలు, ఆధారాల నేపథ్యంలో ఈ కేసు ఎలా మలుపు తిరుగుతుందో చూడాలి.
