హైదరాబాద్లో నమోదైన కేంద్ర మంత్రి Bandi Sanjay Kumar కుమారుడు బండి భగీరథ్కు సంబంధించిన పోక్సో కేసు రాజకీయంగా తీవ్ర చర్చనీయాంశంగా మారింది. ఈ కేసుపై ప్రతిపక్షాలు వరుసగా విమర్శలు చేస్తుండగా, బీజేపీ నేతలు మాత్రం దర్యాప్తు పూర్తయ్యే వరకు ఎవరూ ముందస్తు తీర్పులు ఇవ్వొద్దని అంటున్నారు.
ఈ నేపథ్యంలో బీజేపీ ఎమ్మెల్యే రాకేష్ రెడ్డి ఓ ఫోన్ సంభాషణలో స్పందిస్తూ, “ఇంక్వైరీ పూర్తి కాకముందే ఎవ్వరినీ దోషులుగా తేల్చడం సరికాదు. చట్ట ప్రకారం దర్యాప్తు జరగాలి. తప్పు చేసిన వారు ఎవరైనా శిక్ష తప్పదు” అని వ్యాఖ్యానించారు.
అలాగే, “బండి సంజయ్ గారు స్వయంగా కూడా ఇదే చెప్పారు. తన కుమారుడు తప్పు చేసి ఉంటే చట్టం ప్రకారం చర్యలు తీసుకోవాలని ఆయన ముందే ప్రకటించారు” అని తెలిపారు. కేసును రాజకీయ కోణంలో కాకుండా న్యాయపరంగా చూడాలని ఆయన సూచించారు.
ఫోన్ కాల్లో మాట్లాడిన మహిళ మాత్రం ఈ వ్యవహారంలో రాజకీయ నాయకులు సైలెంట్గా ఉండటాన్ని ప్రశ్నించారు. “ఇతర పార్టీల నేతలపై ఆరోపణలు వచ్చినప్పుడు పెద్ద ఎత్తున నిరసనలు చేసే వారు, ఇప్పుడు ఎందుకు మాట్లాడటం లేదు?” అంటూ ప్రశ్నించారు.
దీనికి స్పందించిన రాకేష్ రెడ్డి, “అమ్మాయికి అన్యాయం జరిగితే ఖచ్చితంగా న్యాయం జరగాలి. కానీ చిన్నపిల్లల భవిష్యత్తు దృష్ట్యా ఈ అంశాన్ని మీడియా ట్రయల్లా మార్చకూడదు” అన్నారు.
ఇక కేసు దర్యాప్తు కొనసాగుతుండగా, పోలీసులు ఇప్పటికే బాధితురాలి స్టేట్మెంట్ నమోదు చేసి ఆధారాలు సేకరిస్తున్నారు. కాల్ డేటా, ఇతర సాక్ష్యాలను పరిశీలిస్తున్నట్లు అధికారులు వెల్లడించారు. కేసులో నిజానిజాలు దర్యాప్తు అనంతరం వెలుగులోకి వచ్చే అవకాశం ఉంది.
