నెల రోజులుగా ధాన్యం కొనుగోలు లేదు.. రైతుల ఆగ్రహం, ప్రభుత్వంపై తీవ్ర విమర్శలు
తెలంగాణలో ధాన్యం కొనుగోళ్లలో జాప్యం రైతులను తీవ్ర ఇబ్బందులకు గురి చేస్తోందని పలువురు రైతులు ఆవేదన వ్యక్తం చేస్తున్నారు. నెల రోజులుగా మార్కెట్ యార్డుల్లో ధాన్యం నిల్వ ఉండిపోయిందని, వర్షాలకు తడిసి నాణ్యత దెబ్బతింటోందని వారు చెబుతున్నారు. ధాన్యాన్ని ఒక చోట నుంచి మరోచోటికి మార్చుకుంటూ తీవ్ర కష్టాలు పడుతున్నామని రైతులు వాపోతున్నారు. కొనుగోలు కేంద్రాల్లో సరైన వేగంతో ధాన్యం ఎత్తిపోతలు జరగడం లేదని, లారీలు అందుబాటులో లేకపోవడం వల్ల సమస్య మరింత తీవ్రమైందని రైతులు ఆరోపిస్తున్నారు….
