నటసింహం నందమూరి బాలకృష్ణ వరుస విజయాలతో దూసుకుపోతున్న సమయంలో, ఆయన వారసుడు నందమూరి మోక్షజ్ఞ సినీ ఎంట్రీపై అంచనాలు తారాస్థాయికి చేరుకున్నాయి. యంగ్ డైరెక్టర్ ప్రశాంత్ వర్మ దర్శకత్వంలో మోక్షజ్ఞ తన మొదటి చిత్రంతో తెరపైకి రాబోతున్నాడు. ‘హనుమాన్’తో సంచలన విజయాన్ని అందుకున్న ప్రశాంత్ వర్మ, మోక్షజ్ఞ కోసం ఓ స్టైలిష్ రొమాంటిక్ ఎంటర్టైనర్ ను సిద్ధం చేస్తున్నాడని టాక్ వినిపిస్తోంది.
ఈ సినిమాకు “సింబ” అనే టైటిల్ను పరిశీలిస్తున్నట్లు సమాచారం. యాక్షన్, ఎమోషన్, లవ్ స్టోరీ ఎలిమెంట్స్ కలగలిపిన ఈ ప్రాజెక్ట్ భారీ స్థాయిలో రూపొందుతోంది. బాలయ్య అభిమానులు ఈ సినిమాపై ప్రత్యేకంగా ఆసక్తి చూపిస్తున్నారు.
ఇక ఇప్పుడు ఈ సినిమాకి హీరోయిన్ ఎవరు అన్నది హాట్ టాపిక్గా మారింది. మొదట శ్రీలీల పేరు వినిపించినా, తాజాగా రవీనా టాండన్ కుమార్తె రాషా థడాని ఈ సినిమాలో హీరోయిన్గా నటించబోతుందనే వార్తలు చక్కర్లు కొడుతున్నాయి. ఇప్పటికే రాషా ఆడిషన్ ఇచ్చిందని, త్వరలోనే షూటింగ్లో పాల్గొనబోతోందని సమాచారం.
రవీనా టాండన్ బాలీవుడ్లోనే కాకుండా తెలుగులోనూ తనదైన ముద్ర వేసుకున్న నటి. ఇప్పుడు ఆమె కూతురు రాషా రంగప్రవేశం చేయబోతుండటంతో ఫ్యాన్స్లో పూనకాలు మొదలయ్యాయి. మోక్షజ్ఞ–రాషా జోడీ తెరపై ఎలా కనబడుతుందో అన్నది సినీ ప్రేక్షకుల్లో కుతూహలం రేపుతోంది.
