తమిళనాడు రాజకీయాల్లో భారీ మార్పుకు నాంది పలుకుతూ దళపతి విజయ్ నేతృత్వంలోని ప్రభుత్వం అధికారంలోకి రావడం దేశవ్యాప్తంగా చర్చనీయాంశంగా మారింది. 60 ఏళ్లుగా డీఎంకే–అన్నాడీఎంకే ఆధిపత్యం కొనసాగుతున్న రాష్ట్రంలో తొలిసారి కొత్త రాజకీయ శక్తి ప్రభుత్వం ఏర్పాటు చేయడం ప్రత్యేకతగా మారింది. అయితే ఈ విజయం వెనుక కూటమి రాజకీయాల కీలక పాత్ర స్పష్టంగా కనిపించిందని రాజకీయ విశ్లేషకులు అభిప్రాయపడుతున్నారు.
ఎన్నికల్లో విజయ్ పార్టీ 108 స్థానాల్లో గెలిచినా పూర్తి మెజారిటీకి కావాల్సిన సంఖ్య మాత్రం అందుకోలేకపోయింది. మొదట్లో “ఎవరితోనూ పొత్తు పెట్టుకోను” అంటూ విజయ్ ప్రకటించినప్పటికీ, చివరికి ప్రభుత్వ ఏర్పాటుకు ఇతర పార్టీల మద్దతు తీసుకోవాల్సిన పరిస్థితి వచ్చింది. కాంగ్రెస్ పార్టీ మద్దతుతో పాటు పీఎంకే మరియు మరికొన్ని చిన్న పార్టీల సహకారంతో చివరకు ప్రభుత్వాన్ని ఏర్పాటు చేయగలిగారు.
రాజకీయాల్లో సంఖ్యాబలం ఎంత ముఖ్యమో విజయ్ పరిణామం మరోసారి నిరూపించిందని పరిశీలకులు చెబుతున్నారు. మెజారిటీకి తక్కువ సీట్లు వచ్చినప్పటికీ గవర్నర్ వెంటనే అవకాశం ఇవ్వకుండా, అవసరమైన ఎమ్మెల్యేల మద్దతు చూపించాలని పట్టుబట్టడం కూడా చర్చనీయాంశమైంది. గతంలో పంజాబ్ సహా పలు రాష్ట్రాల్లో పూర్తి మెజారిటీ లేకపోయినా ప్రభుత్వ ఏర్పాటుకు అవకాశం ఇచ్చిన సందర్భాలు ఉన్నాయని, కానీ విజయ్ విషయంలో మాత్రం గవర్నర్ కఠిన వైఖరి తీసుకున్నారని రాజకీయ వర్గాలు చర్చిస్తున్నాయి.
చివరకు అవసరమైన సంఖ్యాబలం సమీకరించిన తర్వాతే విజయ్ ముఖ్యమంత్రిగా ప్రమాణ స్వీకారం చేశారు. ఆయనతో పాటు మరో తొమ్మిది మంది మంత్రులు కూడా బాధ్యతలు స్వీకరించారు. క్యాబినెట్లో తనకు అత్యంత నమ్మకస్తులైన కోర్ టీంకే ప్రాధాన్యత ఇచ్చినట్లు తెలుస్తోంది.
ప్రమాణ స్వీకారం అనంతరం విజయ్ కీలక ప్రకటనలు చేశారు. “నా తప్ప మరో పవర్ సెంటర్ ఉండదు.. తప్పు చేయను, చేయనివ్వను” అంటూ పరిపాలనపై స్పష్టమైన సందేశం ఇచ్చారు. ఉచిత విద్యుత్, మహిళల భద్రత, సంక్షేమ పథకాలపై తొలి సంతకాలు చేసినట్లు ప్రభుత్వం ప్రకటించింది.
ఇక తమిళనాడు ఆర్థిక పరిస్థితిపై కూడా విజయ్ ప్రభుత్వం ఫోకస్ పెట్టింది. గత డీఎంకే ప్రభుత్వ కాలంలో రాష్ట్రంపై రూ.10 లక్షల కోట్ల అప్పు మిగిలిందని ఆరోపిస్తూ త్వరలో శ్వేతపత్రం విడుదల చేస్తామని సీఎం విజయ్ వెల్లడించారు. రాష్ట్ర ఖజానా పరిస్థితి, అప్పులు, ఆదాయం, వ్యయాలపై ప్రజలకు పూర్తి వివరాలు తెలియజేస్తామని చెప్పారు.
ఈ సందర్భంగా తెలంగాణ రాజకీయాలపై కూడా చర్చ మొదలైంది. రాజకీయ విశ్లేషకుల అభిప్రాయం ప్రకారం, తెలంగాణలో కూడా ప్రభుత్వం మారిన వెంటనే రాష్ట్ర ఆర్థిక పరిస్థితిపై శ్వేతపత్రం విడుదల చేసి ఉంటే ప్రజలకు స్పష్టత వచ్చేదని అంటున్నారు. రాష్ట్రంపై ఎంత అప్పు ఉంది? ప్రభుత్వానికి ఎంత ఆదాయం వస్తోంది? సంక్షేమ పథకాల కోసం ఎంత ఖర్చవుతోంది? అనే అంశాలపై పూర్తి సమాచారం ప్రజలకు అందితే రాజకీయ ఆరోపణలు, ప్రతియుత్తరాలు తగ్గేవని అభిప్రాయం వ్యక్తమవుతోంది.
ఈ సందర్భంగా తెలంగాణ రాజకీయాలపై కూడా చర్చ మొదలైంది. రాజకీయ విశ్లేషకుల అభిప్రాయం ప్రకారం, తెలంగాణలో కూడా ప్రభుత్వం మారిన వెంటనే రాష్ట్ర ఆర్థిక పరిస్థితిపై శ్వేతపత్రం విడుదల చేసి ఉంటే ప్రజలకు స్పష్టత వచ్చేదని అంటున్నారు. రాష్ట్రంపై ఎంత అప్పు ఉంది? ప్రభుత్వానికి ఎంత ఆదాయం వస్తోంది? సంక్షేమ పథకాల కోసం ఎంత ఖర్చవుతోంది? అనే అంశాలపై పూర్తి సమాచారం ప్రజలకు అందితే రాజకీయ ఆరోపణలు, ప్రతియుత్తరాలు తగ్గేవని అభిప్రాయం వ్యక్తమవుతోంది.
మొత్తానికి తమిళనాడులో విజయ్ ప్రభుత్వ ఏర్పాటు కూటమి రాజకీయాల ప్రాముఖ్యతను మరోసారి బయటపెట్టింది. అదే సమయంలో పారదర్శక పాలన, ఆర్థిక పరిస్థితిపై స్పష్టత ఇవ్వాలనే అంశాన్ని కూడా జాతీయ రాజకీయ చర్చలోకి తీసుకువచ్చింది.
