తెలంగాణలో ప్రస్తుతం నెలకొన్న కరువు పరిస్థితులు ప్రకృతి వైపరీత్యం వల్ల కాదని, ప్రభుత్వ వైఫల్యం వల్లనే ఏర్పడ్డాయని బీఆర్ఎస్ నాయకులు తీవ్ర విమర్శలు చేశారు. కాళేశ్వరం ప్రాజెక్టు విషయంలో కాంగ్రెస్ ప్రభుత్వం అనుసరిస్తున్న వైఖరిని తప్పుబడుతూ, రెండు పియర్లు దెబ్బతిన్నప్పటికీ 30 నెలలు గడిచినా మరమ్మతులు పూర్తి చేయలేకపోవడం ప్రభుత్వ అసమర్థతకు నిదర్శనమని పేర్కొన్నారు. కేసీఆర్ దూరదృష్టి ఫలితంగానే కాళేశ్వరం ప్రాజెక్టు ద్వారా ఉత్తర తెలంగాణ నుంచి హైదరాబాద్ తాగునీటి అవసరాలు, పారిశ్రామిక అవసరాలు, అనేక జిల్లాల…