బెంగళూరు నగరంలో ఉన్న ఆర్వీ కాలేజ్ ఆఫ్ ఇంజనీరింగ్ క్యాంపస్లో ఒక నూతన ఆవిష్కరణ అందరి దృష్టినీ ఆకర్షించింది. డ్రైవర్ లేకుండా నడిచే కారు అక్కడ క్యాంపస్లో ట్రయల్ రన్ చేస్తూ స్టూడెంట్స్ మరియు ఫ్యాకల్టీని ఆశ్చర్యపరిచింది. ఈ డ్రైవర్లెస్ కారులో ఉత్తరాది మఠానికి చెందిన ఒక స్వామీజీతో పాటు మరికొందరు ప్రయాణించడం ప్రత్యేక ఆకర్షణగా నిలిచింది.
ఈ వీడియో సోషల్ మీడియాలోకి రాగానే క్షణాల్లో వైరల్ అయింది. క్యాంపస్ లో ప్రయోగాత్మకంగా నడుస్తున్న ఈ కార్ cutting-edge టెక్నాలజీ మరియు భారతీయ ఇంజనీరింగ్ ప్రతిభను ప్రతిబింబిస్తూ దేశవ్యాప్తంగా చర్చకు దారితీసింది.
విప్రో, ఇండియన్ ఇన్స్టిట్యూట్ ఆఫ్ సైన్స్ (IISc), మరియు ఆర్వీ కాలేజ్ ఆఫ్ ఇంజనీరింగ్ కలిసి ఈ డ్రైవర్లెస్ వాహనాన్ని అభివృద్ధి చేస్తున్నారు. దేశ రోడ్ల పరిస్థితులకు తగినట్లుగా ఈ వాహనాన్ని సరిగ్గా ఆప్షిమైజ్ చేసే పనిలో ప్రస్తుతం ప్రాజెక్ట్ టీమ్ ఉంది.
రిసెర్చ్ అండ్ ఇన్నోవేషన్ నెట్వర్క్ కార్యక్రమంలో భాగంగా రూపొందించిన ఈ ప్రాజెక్ట్, భారతదేశంలో స్వయం నియంత్రిత వాహన సాంకేతికతకు మరో మెట్టు అంటుకోవాలని తలపోస్తోంది. పరిశ్రమ వర్గాలు, విద్యార్థులు, ఇన్నోవేషన్ ఎంటుయాజియస్టులు ఈ ప్రయోగాన్ని భారత ఆటోమోటివ్ భవిష్యత్ కు ప్రధాన సంకేతంగా చూస్తున్నారు.
పూర్తి తనిఖీలు ముగిశాక ఈ డ్రైవర్లెస్ కారు అధికారికంగా విడుదల కానుంది. ఈ ప్రయోగ విజయం దేశంలో ఆటోమేషన్, AI ఆధారిత వాహన టెక్నాలజీల అభివృద్ధికి గట్టి ప్రేరణానిస్తుంది
